容祖兒病愈重啟個唱 「御用結他手」開金口驚為天人 天后容祖兒喺演藝學院舉行嘅34場《SECRET LIVE》一票難求,而隨着容祖兒重新開騷補場,更比粉絲激讚唱功再昇華,愈唱愈勇。而前晚(9日),容祖兒更邀請咗老朋友結他手Jason Kui,作為特別演出嘉賓,點知向來彈結他有一手嘅Jason Kui,竟然連唱歌都難佢唔到,一開聲即刻驚艷全場之餘,佢自己亦喺社交網搞笑寫道:「想我唱歌,除非你係容祖兒!玩吓咋,唔好太認真!」又要威,又要戴頭盔嘅幽默反應,粉絲亦相當受落,紛紛留言大讚:「唱得咁好聽!」、「好慶幸嚟咗睇!」、「原地出道!」、「好日唔唱歌,一唱就咁高音!」另外,容祖兒更喺社交網以「第一代男神」身份介紹Jason Kui:「j身軀期間限定強勢回歸,以經典攝人魅力嘅台風,傻氣十足的笑容以及高八度歌聲重踏舞台!」 事實上,Jason Kui被喻為新一代香港結他英雄,23歲時就已經登上紅館擔任結他樂手,過去數年更喺世界各地參與超過135場演出,更曾經同RubberBand、MIRROR、容祖兒、林憶蓮、方大同、陳奕迅及楊千嬅等歌手合作,甚至喺早前來港演出嘅美國老牌樂隊Mr.Big最後一次巡唱中,擔任暖場嘉賓結他Solo,認真犀利呀!
Tag:
關於容祖兒
-
-
容祖兒演唱會丨三度延期終病癒開騷回復大勇狀態 病到「魂魄唔齊」媽咪貼心照顧
-
-
-
-
容祖兒香港演唱會《AIA PRESENTS ANOTHER SIDE …… JOEY · MY SECRET · LIVE》將在7月假香港演藝學院舉行,共帶來33場演出。 日期: 【歌迷會專場】2023年7月13日 【AIA專場】 2023年7月14日,8月3-4日 容祖兒演唱會門票詳情…