姜濤一連四場《姜濤Keung To “Waves” In My Sight》於今晚在亞洲博覽館開鑼。個唱除了請來ERROR的肥仔任表演嘉賓外,更請到林海峰,他的環節變成棟篤笑,大談姜糖的付出,又謂自己因為姜濤的關係,令事業再創高峰,最後更不忙重演年初頒獎禮「掃!掃!掃!」的畫面。 說到最令人感動的環節,莫過於在姜濤唱完《追》之後,大會播出他在銅鑼灣街頭的片段,大談自己對姜糖的看法,畫面亦見到「姜濤誕」的情況。 街頭舉牌戥姜糖辛苦 姜濤在片中表示平日很愛看姜糖寫的信,每次外出都會袋一、兩封看他們寫的東西。之後工作人員給他看「姜濤誕」的情況,及不同國家姜糖的應援,他表示要放大些看看大家的樣子,更驚訝自己在海外有這麼多支持者。 他表示從工作人員口中得知,有粉絲一直舉著燈牌,直言對大家的付出難以想像。他稱要體驗fans的付出,見到他特意到銅鑼灣街頭舉牌,他大叫「好攰!姜濤真係好黑人憎!好攰呀!」他繼說︰「諗起佢哋每一個人企喺度,見到我架電車過嘅時候……」 姜濤哭了︰好對唔住! 此時見到姜濤已舉了近20分鐘,之後他坐在地上哽咽︰「我望大家望得唔夠多,我要stay耐啲,諗起佢哋去逼真係好心嗡,我只知自己要做好啲歌,表演好比大家睇就足球,但我做得好唔足夠……尤其是呢兩年,某程度……我仲好驚每個支持我嘅fans……我無咩自信面對大家,好對唔住!唔應該懷疑你哋係咪度,我要同大家緊密多啲,入行5年以來,從來未試過咁想見到你哋,由呢一刻開始要變成我生命中真正嘅屋企人,辛苦你哋!」接著唱出另一首新歌《好得太過份》送給fans,並表示以後大家有甚麼錯都要互相提醒。
姜濤演唱會
-
-
姜濤的個人演唱會《姜濤Keung To “Waves” In My Sight》將於明晚起正式開鑼,為了這次演唱會,姜濤於開Show前夕推出演唱會主題曲《濤》,進入最後綵排階段的姜濤,特別披露了今次演唱會細節,讓人引頸以待。 姜濤新歌源自《鏡中鏡》:我是濤 《濤》,用上姜濤的名字,除了源於填詞人小克過去在《鏡中鏡》的一句歌詞「我是濤」外,其實亦因為今次演唱會的主題是「Waves(浪濤)」,但過去的作品卻未能帶出主題,姜濤說:「「以往自己嘅作品都有好強烈嘅主題喺入面,所以一直都搵唔到好合適嘅歌去演繹成個演唱會主題,所以就希望寫一隻純粹關於水嘅歌,咁啱自己個名又有一個『濤』字,所以就用《濤》,作為歌名,好多謝小克老師幫忙寫咗呢隻歌。」「濤」是水的其中一種形態,姜濤說:「水好多樣化,當中仲包含好多哲學喺入面;好想自己好似水一樣,無論喺想法、做人處事,又或者具體啲,喺做嘅歌曲音樂類型上,都一樣有好多唔同形態展現出嚟,而今次《濤》,呢首歌,係想話俾大家聽,我會用一種好自己嘅方式,去帶動『水』,即係我自己去流動。」 姜濤演唱會將大跳不同舞種 據姜濤形容,《濤》,是很炸場的一首歌,會聽到猶如瀑布、浪濤一樣的氣勢,姜濤說:「呢首歌就好似要話俾大家聽,我要嚟喇!」為了營造這種氣勢,今次〈濤〉找來合唱團演唱歌劇式的和音,副歌方面亦好易記,姜濤說:「過去作品裡面應該都未有過咁樣嘅Hook Line俾大家聽到。」《濤》,將會在今次演唱會上作首次公開演出,當中會有舞蹈去表達水的形態,姜濤說:「唔想好純粹用而家好常見嘅街舞形式去表達水嘅形態,所以會用好多布去營造水嘅感覺,同時舞蹈上除咗Urban Dance之外,仲會加入現代舞嘅元素,大家會睇到一個好豐富嘅大畫面。」 姜濤望姜糖健康入場 說回演唱會,為了配合演唱會主題,今次姜濤亦會嘗試不同的舞種,他說:「正如水一樣喺唔同形態有唔同嘅形狀、方式,包羅萬有,今次喺演唱會入面都會用唔同曲風、舞種串連成個演唱會,所有舞種甚至溝埋一齊,唔需要特別區分。」但腳傷可會形響排舞?姜濤大派定心丸,道:「Keep住有做物理治療,帶住腳箍跳舞都OK,唔使擔心!」除了《濤》,以外,在今次演唱會姜濤亦會唱出多首從未曝光的新歌,還有意想不到的內容及驚喜,被問到姜糖要如何準備迎接演唱會的來臨,姜濤只簡單道:「準備一個好嘅身體嚟睇表演就可以,唔要求大家做咁多嘢,好好地睇就得了。」
-
-
姜濤開騷前夕生第12胎 明天出「王炸」新歌《濤》
-
-
-
-
-
-
身為《全民造星V》評審之一的黃慧君(花姐)賽後受訪,坦言三甲是自己心水,但談到三子簽約問題,她坦言:「我都問緊公司,因為每年參賽者,尤其今年水準咁高,都驚佢哋威脅到MIRROR同埋ERROR,依家應該係考慮中。」 花姐又已早已被淘汰的參賽者白水,都是自己「那杯茶」。當談到季軍亨仔次輸表演失準時,花姐打趣:「我肉緊到想上台打佢,扣咗佢唔少分!」對於白水形象受是非影響,花姐認為只是年輕人的風波,問題不大。而KC被外界形容為「姜濤接班人」,她反應甚大:「佢自己話?喺我心目中,冇人代替到姜濤!雖然KC做舞蹈員時我已經留意到佢,但佢都唔會代替到MIRROR及ERROR嘅任何一個,哈哈!」 而今屆參賽者鬧出不少風波,尤其Nathan更在總決賽前半小時才宣布退賽,問到花姐可會於下屆重新「掌舵」,她謙稱:「唔關事,以前都試過有人退賽,只係未去到十強咁遲啫。(Nathan)的確係好可惜,佢其實好有潛質,呢啲始終係私事,我覺得大家應該畀空間佢,而且大家知嘅亦未必係事實之全部,應該客觀啲。」
- 1
- 2