GI-FORCE演唱會丨炎明熹無避忌翻唱姜濤歌曲致敬 嘉賓梁詠琪：你唱歌講嘢都好可愛
炎明熹（Gigi）的《Gi-Force》演唱會開鑼，貫徹她「火星女孩」的性格，今次演唱會頭半段都是以歌會友，Gigi無論快歌或者慢歌，Gigi都一樣演繹得非常穩妥，令台下的歌迷「Gi炎粉」睇得非常興奮又開心。Gigi除了獻唱自己的歌曲外，還選唱了不少前輩的作品，當中包括容祖兒的《心淡》、蔡健雅的《別找我麻煩》等，亦不忘選唱李玟的《刀馬旦》一曲，向故友致敬，挑戰單手側手翻，相當厲害！
Gigi表示：「第一次開演唱會係有少少甩漏，大家可唔可以畀啲掌聲我呢？希望藉住呢個演唱會畀自己進步，尤其係跳舞部分，綵排幾次，人算不如天算，就係成堆嘢跌咗落嚟，大家見唔見到？見唔到？咁我咪自己講咗出嚟？哈哈！」不過，令人驚喜的是Gigi選唱了ViuTV《全民造星》出身的MIRROR成員姜濤歌曲《Dear My Friend,》，似乎沒有避忌兩台水火不容的對立關係，唱到最後更一時感觸流淚，為怕喊樣令粉絲擔心，Gigi一度扭轉面強忍淚水，令全場相當感動。
頭場Gigi邀請到梁詠琪擔任嘉賓，兩位Gigi首次正式同台演出，穿上高跟鞋的炎明熹竟然可以跟「高妹」梁詠琪平頭，兩人合唱一曲《我鍾意》，非常合拍。Gigi與梁詠琪相擁後，Gigi驚訝發現裙上面有假眼睫毛，非常搞笑，隨後梁詠琪表示：「你18歲，我好羨慕你18歲就開自己個人演唱會，好犀利！好值得見證呢個出咗道一年幾嘅歌手踏上呢個舞台，開自己個人演唱會，後台一路聽你唱歌，好好聽，我好享受！我真係覺得佢好值得我哋支持！佢唱歌好可愛，連你講嘢個樣都一樣好可愛！」Gigi表示曾翻唱過《短髮》及《我鍾意》兩首歌，直至今晚終於見到真人，梁詠琪笑言：「點解你咁鍾意唱啲你未出世嘅歌呢？我今日見到好多媽媽級嘅Fans，因為我哋都好想生個好似你咁叻嘅囡囡！今日嚟到呢個演唱會特別親切，因為大家都叫Gigi，你哋鍾意Gigi嗎？好爽，全場都鍾意Gigi！」
